princess المديرون
عدد الرسائل : 549 العمر : 31 الموقع : wanted.3arabiyate.net العمل/الترفيه : الاغاااااااااااااااااااني المزاج : زهقااااااااانه اخر حاجة تاريخ التسجيل : 28/05/2008
| موضوع: الحــب الحقيـــقي و الطبق المكســــــــور 2008-10-19, 1:29 am | |
| الحب الحقيق و الطبق المكسور .. مستغربين من إسم الموضوع .. طيب كملوا معايا و هتتأكدوا إني إكتشفت الحب الحقيقي صدقوني .. مين مننا مبيحبش .. كلنا بنحب .. كلمة دايما على لسانا بنقولها كل يوم و في كل مناسبة .. مش إحنا بس بنات و أولاد .. الكل بيقولها أطفال و كبار .. أحب الأكلة دي ... أحب الفيلم ده .. أحب الأغنية دي .. أحب أنجح و أكون دكتورة .. أحب ... ... و أحب ... ... . مش عيب الواحد يحب لكن المهم يعرف يحب و لما يحب يحب اللي يستحق .. يعني مثلا كلنا بنحب العسل لكن لما أحب آكل عسل مش هآخد طبق حد أكل منه و حط إيده فيه و ذباب شارك فيه و لو آخر طبق في الدنيا .. مش لازم عسل حتة جبنة نظيفة ترضيني أحسن ألف مرة من طبق عسل يعذبني طول حياتي بمرض مزمن في معدتي ممكن ينهي حياتي .. أما الحب الحقيقي فأنا أخيراً لقيتــه مع أنه جنبي من يوم ما إتولد و شوفت الدنيا .. حب حقيقي فعلا بأحس بالأمان معاه و بيخفف عني الآلام .. حب لقيتــه لما إحتجت له و أقعدت أدور عليـه و الحمد لله إني ما تعبتش كتير .. جرح بسيط لما وقع الطبق من إيدي و إتكسر و إكتشفت إنه طبق ما يستحقش إني كنت أحافظ عليه .. الظاهر كنت لازم أتجرح علشان أعرف إن حضن الوالدين دايما أحن و إن حبهم هو الحب الحقيقي فعلاً .. لو ندمت هندم على إحساس كنت فاكراه إحساس جميل لكن الحمد لله إنه ما إتعداش الإحســاس و صحيت بسرعة و عرفت الفرق بين الحب الحقيقي و الطبق الملوث مهما كان اللي فيه .
سامحوني لو كنت طولت عليكم .. لكن كلمتين كنت عايزة أقولهم .. ما تفكروش كتير في أصل الموضوع يمكن موضوع إنشاء ما لوش أساس و يمكن يكون موضوع حقيقي .. لكن نعتبرها أفكار أتمنى تشاركوني فيها تناقشوها و تحليلوها علشان كلنا نستفيد . | |
|
a7med 5haled عضو محترف
عدد الرسائل : 147 العمر : 33 العمل/الترفيه : الكورة المزاج : عالى اووووى تاريخ التسجيل : 27/05/2008
| موضوع: رد: الحــب الحقيـــقي و الطبق المكســــــــور 2008-10-19, 3:18 pm | |
| انا مش فاهم حاجة من منك ياريت لما تتكلمى فى اى موضوع توضحى عشان الناس تفهم على العموم شكرا على الموضوع | |
|
<(*_*)> BoOoLdO برنس المنتدى
عدد الرسائل : 248 العمر : 31 الموقع : www.shababgamed.com العمل/الترفيه : صاحب شركه adidas المزاج : الرخامه تاريخ التسجيل : 20/05/2008
| موضوع: رد: الحــب الحقيـــقي و الطبق المكســــــــور 2008-10-19, 3:20 pm | |
| إيه يا جيرل مالك مظلمه الحياة كده..... مفيش حاجه تستحق إن الواحد يزعل خالص..... ربنا يصبرك ..... | |
|
moody_88
عدد الرسائل : 17 العمر : 36 المزاج : رايق جدا تاريخ التسجيل : 19/10/2008
| موضوع: رد: الحــب الحقيـــقي و الطبق المكســــــــور 2008-10-19, 4:37 pm | |
| اولا شكرا جدا على موضوعك الجميل دا وفعلا الكلام كلو مظبوط وانا فهمت من كلامكانك اتصدمتي على ما اعتقد من حد ولكن اقولك عيشي الحياه ومافيش اي حد يستاهل واتمنى نكون اصدقاء لو تقبليني صديق نادر جدا لما حد يتعرف على عقليه ناضجه كدا ..شكرا ليكي مرة تانيه على الموضوع الجميل ......تقبلي مروري | |
|
princess المديرون
عدد الرسائل : 549 العمر : 31 الموقع : wanted.3arabiyate.net العمل/الترفيه : الاغاااااااااااااااااااني المزاج : زهقااااااااانه اخر حاجة تاريخ التسجيل : 28/05/2008
| موضوع: رد: الحــب الحقيـــقي و الطبق المكســــــــور 2008-10-19, 11:29 pm | |
| شكراً على تجاوبكم لكن الموضوع له كمالة .. الظاهر إني مقدرتش أوصل أفكاري
أولاً زي ما قلت في نهاية الموضوع إعتبروه موضوع إنشاء مش حقيقي مجرد أفكار و بأعتبركم زي إخواتي و بنتناقش فيها لو ما عندكوش مانع طبعاً. ثانيا المفروض تباركولي لأني بقولكم إني لقيت الحب الحقيقي و إكتشفت أن الحب داخل البيت صعب جداً نلاقيه بره البيت و علشان كده لازم ما نستعجلش في البحث عن الحب و إحنا عايشين فيه مش لازم نتخدع بره علشان نعرف قيمة حب أهلنا لينا اللي مش ممكن يخدعونا . ثالثا و ده الأهم إحنا كلنا أولاد و بنات ماسكين كلمة بحبك و عمالين نقولها من غير ما نديها حقها .. تلاقي الولد يعرف أكتر من واحدة و كل واحدة يقولها بحبك و يحلف لها ومش مشكلة برضه يعترفلها إنه يعرف غيرها لكن هي مختلفة هي اللي في القلب هي الأمل و المنى .. طبعاً أصل من حقه علشان هو ولد يلعب بقلوب البنات الظاهر ربنا خلقه في الدنيا علشان كده .. لكن لما يحب يرتبط ( بعد عمر طويل ) بعد ما متع نفسه على قد ما يقدر يقول لأ أنا عايز واحدة ما لهاش ماضي واحدة غير اللي عرفتهم . آسفة أنا كمان ( بعد عمر طويل أو قصير ) عايزة واحد ما لوش ماضي واحد يعرف معنى الكلمة اللي بيقولها الكلمة اللي تتحس قبل ما تتقال .. أنا أرفض أكون لعبة يتلعب بعواطفي , ارفض برضه ألعب بعواطف حد . علشان كده بتكلم بإسم البنات مش بإسمي ما تستعجلوش و ماتدوروش على الحب و هو بين إيديكم إرجعوا لبيتكم هتلاقوا الحب الحقيقي .. أما الإحساس الجميل أكيد هيجي لحد عندكم لأنكم في الوقت ده هتكونوا تستحقوه فعلاً و عارفين معناه و هتقدروا قيمته و وقتها هيكون حب كبير يعيش . أوعوا تدوا فرصة لحد يلعب بعواطفكم و أوعوا تدوا الحق لنفسكم باللعب بعواطف حد . برضه آسفة إني طولت عليكم بس إنتم اللي إدتوني الفرصة إن أقول حاجات كان نفسي أقولها و أشكركم إنكم إدتوني الفرصة دي .
عدل سابقا من قبل baffling@girl في 2008-10-20, 12:08 am عدل 1 مرات | |
|
princess المديرون
عدد الرسائل : 549 العمر : 31 الموقع : wanted.3arabiyate.net العمل/الترفيه : الاغاااااااااااااااااااني المزاج : زهقااااااااانه اخر حاجة تاريخ التسجيل : 28/05/2008
| موضوع: رد: الحــب الحقيـــقي و الطبق المكســــــــور 2008-10-20, 12:07 am | |
| توضيح تاني سامحوني موضوعي مش مقصود به حد معين و لا يعبر عن تجربة شخصية .. لكن أفكار يمكن من تجارب صديقاتي يمكن من قصص سمعتها خلتني أكون أفكار قلت أناقشها في المنتدى .. أظن مش عيب الواحد يقول أفكاره .. و أهو تمرين يمكن الواحد يطلع صحفي و لا حاجة .. أهو بنتعلم ... و لا إيـــــــــــــــــــــــــــه | |
|
unique boy المديرون
عدد الرسائل : 140 العمر : 32 تاريخ التسجيل : 24/05/2008
| موضوع: رد: الحــب الحقيـــقي و الطبق المكســــــــور 2008-10-20, 1:21 pm | |
| موضوعك حلو بس الدنيا مستهله انك تعملي في نفسك كده منكديش على نفسك نايس توبيك | |
|